Ape pernah ngan dimintak same jeme yang idak ngan kenal yang ngaku-ngaku jeme Bea Cukai mangke ngan ngihem duet?

Ati-ati! Itu mbudikan dihi.

Care-care jeme mbudikan

Ndie care-care jeme mbudi makai name Bea Cukai:

• Harge barang dekde mihep gok aslinye
• Diiming-imingi barang ilok atau duet banyak
• Jeme ngaku Bea Cukai nelpon ngan makai nomor diwek
• Tempat kihim duet makai nomor rekening diwek
• Neman ngancam (kene dende atau dipenjare)

Amen ngan ngeraseinye, hala tibe-tibe langsung percaye!

Ape mestinye yang ngan gawikan?

Amen ngan kene budi:

1. Hala transfer duet
2. Buktikan kudai benah ape dekde barang ngan dikihim liwat sini
3. Telpon pusat bea cukai di 1500225 atau datangi kantor Bea Cukai paleng parak
4. Hala takut amen jeme mbudi itu ngancam

Amen ngan sude ngihem duet:

1. Langsung telpon atau datangi bank tempat ngan ngihem duet
2. Enjok tau amen ngan dibudikan jeme same yang ngan pengen
3. Enjok tau pelisi
4. Milui gale-gale aturan di tempat-tempat yang ngan enjok tau (tempat lapor)