Jalan Yos Sudarso, Pelabuhan Panjang – Bandar Lampung 35241
(+62-821) 8308 9999

Awas Kuti Rumpok Dibuhungi Jelma Sai Nyalahgunako Geral Bea Cukai

Waspada Penipuan atas nama Bea Cukai (dalam bahasa Way Kanan)

Pilihan bahasa: Indonesia ➜ | Ogan ➜ | Sungkai ➜

Kuti risok dikilu jelma sai mak jelas, tian ngaku jelma Bea Cukai, radu sina tian kilu kirim atawa transfer duit?

Awas! Sina cara tian ngebuhungi kuti rumpok.

 

Cara tian ngebuhung

Dibah sa cara tian ngebuhungi makai geral Bea Cukai:

  • Rega barang mak wajar guwai transaksi online.
  • Nyawako niku mangsa barang helaw/mahal atawa duit sai nayah.
  • Tian ngaku jelma Bea Cukai nelpon kuti makai nomor handphone tian pesay.
  • Tian kilu transfer haguk rekening makai geral tian.
  • Risok munih tian ngancam (kena denda atawa kena kurung).

Amun kuti mangsa cara-cara tian ngebuhung juk sina, dang percaya!

 

Api sai harus kuti kerjakon?

Amun kuti dibungi juk sina:

  1. Dang haga amun dikayin tian transfer duit.
  2. Buktikon pai kebenoranna, unut informasi barang kiriman kuti di halaman resmi sikam.
  3. Telpon pusat informasi sikam di 1500225 atawa kantor Bea Cukai sai ridik nuwa kuti.
  4. Dang rabai jama ancaman tian.

Amun kuti kak terlanjur transfer:

  1. Telpon haguk layanan bank pok tujuan kuti transfer duitna.
  2. Ceritako unyin kejadianna, radu sina cawakon munih api sai haga dehati kuti.
  3. Lapor haguk Polisi.
  4. Tutukko gawoh petunjuk anjak pok kuti lapor jeno.

 

 

Bak api nayah sai bebuhung ngaku jelma Bea Cukai?

Masyarakat nayah belanja online barang anjak luar negeri atawa ngedok tawok jelma anjak luar negeri. Sija sai guwai nambuh nayah tian ngebuhung makai geral Bea Cukai.

Masyarakat nayah kurang pandai atoran barang kiriman, nah sija dimanfaatko tian guwai ngebuhung. Mulana, sai paling helaw ram belajar atoran gohpa carana barang sai ram beli di luar negeri tigoh di nuwa ram. Radu sina, belajar muni cara ram ngurus barang sina di Bea Cukai.

 

Payu ram juk pandai sekelik jama tawok ram sunyinna. Amun wat tanda hulun bebuhung makai geral Bea Cukai, dang ragu kuti ngehubungi sikam di contact center Bea Cukai di 1500225 atawa ratong guk Kantor Bea Cukai sai ridik pok kuti rumpok.

 

Tinggalkan Balasan

Alamat email Anda tidak akan dipublikasikan. Ruas yang wajib ditandai *